MANŞETÜSTÜSosial

“DOST Agentliyi ölkəmizin brendi olacaq” – Nazir

“Necə ki, “ASAN xidmət” Azərbaycanın brendinə çevrildi, DOST Agentliyi də sosial sahədə ölkəmizin brendi olacaq”. 

Fakttv.com  xəbər verir ki, bunu Əmək və Əhalinin Sosial Müdafiəsi naziri Sahil Babayev deyib. Nazir bildirib ki, bu konsepsiyanın hazırlanması zamanı 40-a yaxın ölkənin təcrübəsi öyrənilib, müxtəlif ölkələrdə olan bir pəncərə sistemlərinə baxılıb.

“Onların içərisindən ən geniş olan dördü tam şəkildə tərəfimizdən təhlil edilib. DOST mərkəzləri şəbəkəsinin yaranması çox önəmlidir. Sosial sahədə xidmətlər aylıq olaraq 2 milyon 800 min insanı əhatə edir. Ümimilikdə isə bütün ölkə əhalisini əhatə edir. Çünki insan doğuldandan vəfat edənədək müxtəlif mərhələdə sosial xidmətlərlə rastlaşır”.