MANŞETÜSTÜMüsahibəŞou-Biznes

Azərbaycanı “Eurovision”da Çingiz təmsil edəcək – VİDEO

“Eurovision 2019” mahnı yarışması üçün Azərbaycan seçimləri yekunlaşıb. Ölkəmizi bu nüfüzlu beynəlxalq müsabiqədə təmsil edəcək finalçının adı açıqlanıb.

Fakttv.com xəbər verir ki, bu haqda müsabiqənin rəsmi səhifəsi “Infe Azerbaijan” məlumat dərc edib.

Ölkəmizi bu il İsraildə gənc və istedadlı müğənni Çingiz Mustafayev təmsil edəcək.

2019-cu ilin may ayında İsrailin paytaxtı Təl-Əvivdəki “Ekspo” Mərkəzində keçiriləcək müsabiqədə 42 ölkə iştirak edəcək. Yarışmanın yarımfinalları mayın 14-də və 16-da, final isə mayın 18-də baş tutacaq. Təmsilçimiz 16 mayda keçiriləcək ikinci yarımfınalın ikinci hissəsində səhnəyə çıxacaq.

“Eurovision-2019” mahnı müsabiqəsinin şüarı “Dare to Dream” (“Arzulamağa cürət et”) olacaq. İsrail təmsilçisi Netta Barzilay “Toy” (“Oyuncaq”) mahnısı ilə ötən il keçirilən mahnı müsabiqəsinin qalibi olub.

Qeyd edək ki, ölkəmizi bəynəlxalq yarışmada təmsil edəcək Ç. Mustafayev ATV-də yayımlanan “Yeni ulduz” mahnı müsabiqəsinin qalibi olub. İfaçı məhz bu yarışmadan sonra peşəkar və böyük səhnəyə ayaq açıb.

O, oxumaqla yanaşı qitarada məharətlə ifa edir. Bir neçə il öncə isə Mustafayev Kiyev şəhərində keçirilən “Qolos Kraini” səs yarışmasına qatılıb. Sözügedən müsabiqədə ifa etdiyi “Bamboleo” bəstəsi Çingizə böyük uğur qətirib və o, yarışmanın növbəti mərhələsinə addımlayıb.

Çingiz Mustafayev özünü bəstəkar kimi də sınayır. O, repertuarında olan bir çox mahnıları özü bəstələyib.

 

Comment here